Saturday, January 7, 2012

Agom kéba:do Jonai gíyén ajona?

            Ngo silopé agom kébang ba:namdém kangkima:da...bangke agom kébalok ba:namém ko:ka dokké ka:sa sula ngo gítak...émdaggom ki:ni kéba lokkém  kangkímang.Ajjou dodo ngolu lambé do mike,sound box bommín sudanla yamgo nammém ka:bekdungai ....dítak dok 30 October longé do lambé lo dek poriné  ko:kangém abí:nkíd yamgobola  Mising agom turyaryé !,Mising réngam  írroi ya írroi ya !émna jé:mín sula do:mír ésaré  mírgo mínsu do:pé ,sargomínsudo:pé  inamém Laimekuri amo:lo ka:pa dungai.

      Sium sí:ro mo:tép du:langkula kangkitokumabong...aropé édé  bulu oko longan émna mé:dag ngo lékom,yumé ayir míloi dírbí yumdéng inam kangkolo berdungai.Lékom ajon gidakbo émna tadbekla apin dosud doludla lomnak-pisak la dugdungai...longém abín ami kídídé agom do:yíng ém kéba lo ludagai,yumé do ngolu oi ni:tom,anu ni:tom,natok,luse: senam,sonam atí atí tarung inam kabek dungai....harmonium élang tabla lo oi ni:tom monamém aipé ka:lídakku...asinang airup odak...suk 2012 so January 16 dokké ba:yé émdag Jonai to January 19 dop.Jonai émyém ngok le:keké poriko school lotta do....amindé Jonai Higher Secondary School.Agom kébang do Jonai gíyéne ajona,édésin ki:ni kéba lokkar malang ayi?


            Agom Kébang agomdém luyémílo a:písé kapéike idak..supak agom sé kapil dun émdodém okkomna lulad bipayekusong kinma:bo....Agom  jarmonam légangé  sekoi okkoméi gerdusong okkomsin kinto kumang...po:pé  ké  LP School lok pa:nam potin kidi dok Ta:to tolíng sipak,tapum tari dopak;Mipak ao malbuk,bomla anu abbuk(mensarung ko ka:bekla sikang émnam lube: lusak ka:na désinyowwa!);ba:yom ba:to,ya:yoké  ra:sor ra:nam doppo....édé mo:bulum mé:padag .Odokké  kinsed tokumang ...O Ru:na!Bojeko pagtakbo ngo:sin,souo lok ngo silo attér du:bo... Yo! agom ako...Jonai gíyem ngomsin goksudanlang ajona,léko lakko:pé ír-pongkír bolapé Jonai mongke tém!Mikpandanyoka déi ajona...sa!!

No comments:

Talks with state government on Mising issues by TMPK, MMK, TMMK

A new update is being shared by the Chief Minister of Assam that the state government has set for talks with the national organisations or M...